Դավիթ Տոնոյանը ՀՀ-ում Չինաստանի դեսպանի հետ այցելել է հանրապետության զորամասերից մեկը

ԵՐԵՎԱՆՀՈՒԼԻՍԻ 06, 24News

1

ՀՀ պաշտպանության նախարար Դավիթ Տոնոյանն այսօր Հայաստանում Չինաստանի ժողովրդական հանրապետության արտակարգ եւ լիազոր դեսպան Թիան Էրլունի եւ ՀՀ-ում ՉԺՀ դեսպանության ռազմական եւ ռազմաօդային կցորդ, ավագ գնդապետ Չժան Ֆենխուայի հետ այցելել է հանրապետության զորամասերից մեկը։ Այս մասին Facebook-ի իր էջում գրել է պաշտպանության նախարարի մամուլի խոսնակ Արծրուն Հովհաննիսյանը:

1

«Դավիթ Տոնոյանը, դեսպանը եւ ռազմական կցորդը բարձրաստիճան սպաների ուղեկցությամբ շրջել են զորամասում եւ ծանոթացել Չինաստանի կողմից նվիրաբերված սարքավորումներին։ Նախարար Տոնոյանը շնորհակալություն է հայտնել Չինաստանի ժողովրդական հանրապետությանն ակտիվ համագործակցության եւ աջակցության համար»,-նշել է նա: