ԵՐԵՎԱՆ, ՀՈՒԼԻՍԻ 08, 24News
Թուրքիայի էկոնոմիկայի նախկին նախարար Ալի Բաբաջանը լքել է իշխող «Արդարություն և զարգացում» կուսակցության շարքերը, գրում են թուրքական լրատվամիջոցները: Բաբաջանը լրատվամիջոցներին գրավոր ուղերձ է հղել կուսակցությունից հեռանալու մասին:
Նշենք, որ թուրքական լրատվամիջոցներում տեղեկություն էր հայտնվել այն մասին, որ երկրում նոր կուսակցություն է ձևավորվում՝ էկոնոմիկայի նախկին նախարարի գլխավորությամբ, և որ շարժմանը կմիանան նաև նախկին արտգործնախարար Ահմեդ Դավութօղլուն, նախկին նախագահ Աբդուլլա Գյուլը և փոխվարչապետ Բյուլենթ Առընջը: