ԵՐԵՎԱՆ, ՀՈՒԼԻՍԻ 23, 24News
Մոսկվայի քաղաքային դատարանը մինչեւ հոկտեմբերի 28-ը երկարացրել Է Խաչատուրյան երեք քույրերի խափանման միջոցը՝ որոշակի գործողությունների արգելքի տեսքով: Նրանք մեղադրվում են իրենց հոր սպանության մեջ, ՏԱՍՍ-ին հաղորդել են դատարանի մամուլի ծառայությունում:
«Մոսկվայի քաղաքային դատարանի որոշմամբ երկարացվեց մեղադրյալ Քրիստինա, Անգելինա Խաչատուրյան քույրերի նկատմամբ որոշակի գործողությունների արգելքի ժամկետը մինչեւ հոկտեմբերի 28-ը»,- ասել Է դատարանի ներկայացուցիչը: Ավելի վաղ դատարանը համանման վճիռ Էր կայացրել Մարիա Խաչատուրյանի նկատմամբ, որը սպանության պահին եղել Է անչափահաս: Բոլոր երեքը չեն կարողանա հեռանալ իրենց տնից առանց քննիչի թույլտվության:
Քույրերին մեղադրանք Է առաջադրվել վերջնական խմբագրմամբ. նրանց մեղսագրվում Է սպանություն՝ կատարված նախնական համաձայնությամբ: Ըստ որում մեղադրանքի մեջ հետաքննությունը նշում Է, որ քույրերի գործողությունը հրահրվել Է տուժող Միխայիլ Խաչատուրյանի գործողություններով: Փաստաբանները պնդում են, որ աղջիկներն իրենց գործողությունները կատարել են հոր կողմից շատ տարիներ շարունակվող բռնությունից անհրաժեշտ պաշտպանության շրջանակներում: