ԵՐԵՎԱՆ, ՀՈՒԼԻՍԻ 25, 24News
Մոսկվայի Շերեմետևո օդանավակայանում օդանավի մեկնումից առաջ միջադեպ է գրանցվել: Ինքնագնաց սանդուղքը բախվել է օդանավին և վնասել դրա թիթեղվածքը: Այս մասին РБК-ին հայտնել են Nordwind ավիաընկերությունից:
«Օդանավի սպասարկման ժամանակ ավտոսանդուղքով վնասվել է Boeing 737-ի թիթեղվածքը, ինչի պատճառով Մոսկվա-Երևան չվերթի ուղևորները կմեկնեն պահուստային օդանավով: Հետաձգման ուղեցուցային ժամանակը կկազմի 30 րոպե», - ասել են Nordwind ավիաընկերության մամուլի ծառայությունից:
Միջադեպի մասին տեղեկատվությունը հաստատում է նաև «112» telegram-ալիքը:
Վերջին շաբաթվա ընթացքում սա երկրորդ միջադեպն է Մոսկվա-Երևան չվերթնը սպասարկող Nordwind ավիաընկերության հետ: