ԵՐԵՎԱՆ , ՀՈՒԼԻՍԻ 30, 24News
Ֆրանսիայի Ռեյունիոն կղզում երկուշաբթի սեյսմիկ ակտիվության փուլ է մտել Պիտոն դը լա Ֆուռնեզ հրաբուխը: Այդ մասին հաղորդել Է կղզու պրեֆեկտուրան:
«Այսօր տեղական ժամանակով 05:13-ին սեյսմիկ ակտիվությունից հետո արձանագրվել է մագմայի բարձրացում դեպի մակերեւույթ»,- ասված է հաղորդագրության մեջ:
Պիտոն դը լա Ֆուռնեզի հրաբխագիտական դիտարանի տվյալներով՝ ակտիվության աղբյուրը գտնվում է հրաբխի հյուսիսային կողմում: Կղզու իշխանությունները հայտարարել են տագնապ՝ սահմանելով դեպի այդ շրջան մարդկանց մուտքի և մերձակայքում ինքնաթիռների վայրէջքի արգելք: Պիտոն դը լա Ֆուռնեզ լեռը գտնվում է Ռեյունիոնի հարավ - արևելքում: