ԵՐԵՎԱՆ , ՀՈՒԼԻՍԻ 30, 24News
ԱԺ նախկին պատգամավոր Մանվել Գրիգորյանի գործով դատական նիստին դատավոր Մնացական Մարտիրոսյանը որոշեց Մանվել Գրիգորյանին պատկանող գույքի մի մասը ազատել արգելանքից: Դատարանը ըստ էության բավարարեց ՊԵԿ-ի միջնորդությունը:
Ավելի վաղ հայտնել էինք, որ ԱԺ նախկին պատգամավոր Մանվել Գրիգորյանի գործով դատական նիստին ՊԵԿ-ը գրություն էր ուղարկել դատավորին այն մասին, որ ՊԵԿ իրավաբանական վարչությունը խնդրում է այս գործով գույքի վրա դրված կալանքի մի մասը վերացնել՝ հնարավորություն տալով, որպեսզի ՊԵԿ-ը աճուրդ-վաճառքի եղանակով գույքի իրացում անի, այն է՝ 1 մլրդ 18 մլն դրամի շարժական և անշարժ գույքը վաճառի,ուղղի պետբյուջե՝ որպես հարկային պարտավորության կատարում:
Ըստ դատավորի՝ նամակում նշվում է, որ խոսքը «Արա և Այծեմնիկ» ԲԲԸ-ի մասին է, որի ողջ գույքի վրա նախաքննական մարմնի կողմից կիրառված է կալանք: