Օգոստոսի 4-ին երթևեկությունը մերձքաղաքային էլեկտրագնացքներով կլինի անվճար

ԵՐԵՎԱՆ ՕԳՈՍՏՈՍԻ 01, 24News

1

«Հարավկովկասյան երկաթուղի» ՓԲԸ տեղեկացնում է, որ օգոստոսի 4-ին, Երկաթուղայինի օրվա կապակցությամբ, երթեւեկությունը «ՀԿԵ» ՓԲԸ ներհանրապետական բոլոր էլեկտրագնացքներով՝ բացառությամբ №100/101 եւ 102/103 Երեւան-Գյումրի-Երեւան եւ Գյումրի-Երեւան-Գյումրի էքսպրեսների, կլինի անվճար:

Անվճար կգործեն հետեւյալ ուղերթները՝

•         Երեւան-Գյումրի-Երեւան (սովորական էլեկտրագնացքներ)

•         Երեւան-Արաքս-Երեւան

•         Աբովյան-Ալմաստ-Շորժա

•         Երեւան-Երասխ-Երեւան

Հայաստանի երկաթուղայինները իրենց մասնագիտական տոնին կշարունակեն աշխատել սովորական ռեժիմով, ապահովելով երկաթուղային համակարգի անխափան աշխատանքը՝ հոգ տանելով ուղեւորների հարմարավետության մասին: