ԵՐԵՎԱՆ , ՕԳՈՍՏՈՍԻ 01, 24News
ԱՄՆ նախագահ Դոնալդ Թրամփի կրտսեր որդուն՝ Բերոն Թրամփին Մոնղոլիայի իշխանությունների նվիրած ձիուն «Հաղթանակ» անունն է տրվել, հաղորդում է Սպիտակ տան պաշտոնական կայքը: Նախագահը շնորհակալություն է հայտնել նվերի համար:
Նշվում է, որ կենդանին դեռևս Մոնղոլիայում է, և երկրի իշխանությունները խնդրել էին, որ ամերիկյան վարչակազմը կամ հենց Բերոնը նրա համար անուն ընտրեին:
Մոնղոլիայում նման նվերն ավանդական է համարվում: Նախկինում ձի են նվեր ստացել Պենտագոնի նախկին ղեկավարներ Դոնալդ Ռամսֆելդը և Չակ Հեյգելը, ինչպես նաև ԱՄՆ նախկին փոխնախագահ Ջոզեֆ Բայդենը, որոնք տարբեր ժամանակներում ասիական պետություն են այցելել:
Սպիտակ տան ղեկավարը, տեսնելով ձիու լուսանկարը, այն գեղեցիկ է անվանել: