ԵՐԵՎԱՆ, ՕԳՈՍՏՈՍԻ 9, 24News
«ՏԱՍՍ» գործակալությունը հյատնում է, որ ՌԴ ԱԳ նախարարության պաշտոնական ներկայացուցիչ Մարիա Զախարովան, ելույթ ունենալով «Մտքերի տարածք» համառուսաստանյան երիտասարդական կրթական համաժողովի հարթակում կայացած բրիֆինգի ժամանակ, անդրաարձել է ԼՂ համակարտության կարգավորմանը՝ նշելով, որ բանակցությունների ճանապարհով Լեռնային Ղարաբաղի վերջնական կարգավիճակի որոշման և հակամարտության կարգավորման հարցում ՌԴ-ի դիրքորոշումը մնում Է անփոփոխ:
«Լեռնային Ղարաբաղի վերջնական կարգավիճակը պետք Է որոշվի Ադրբեջանի և Հայաստանի միջեւ բանակցությունների ճանապարհով: Դուք գիտեք մեր դիրքորոշումը, այն փոփոխություններ չի կրել»,-ասել Է Զախարովան:
ՌԴ ԱԳՆ խոսնակը նաև նշել Է, որ Մոսկվան կշարունակի աջակցությունը ղարաբաղյան հակամարտության խաղաղ կարգավորմանը:
«Մենք՝ որպես ԵԱՀԿ Մինսկի խմբի համանախագահներից մեկը, և Բաքվի ու Երեւանի հետ Մոսկվայի սերտ հարաբերությունների հաշվառմամբ, միտված ենք մնում օժանդակություն ցուցաբերելուն խաղաղ գործընթացի համակողմանի առաջշարժման նպատակով»,-հայտարարել Է Զախարովան, ապա հավելել, որ Ադրբեջանի ու Հայաստանի միջև փոխադարձ մեղադրանքների առկայությունը մտահոգում Է ռուսական կողմին:
«Նման հռետորաբանությունը չի համապատասխանում բանակցային գործընթացի համար բարենպաստ պայմանների ձեւավորման եւ, համապատասխանաբար, հակամարտության կարգավորման փոխզիջումային տարբերակներ գտնելու շահերին»,-ասել է Զախարովան: