ԵՐԵՎԱՆ, ՕԳՈՍՏՈՍԻ 10, 24News
«Ռիա նովոստի» գործակալությունը գրում է, որ Հունաստանում առաջիկա երեք օրերին սպասվում են էքստրեմալ եղանակային պայմաններ, օդի ջերմաստիճանը կբարձրանա մինչև 41 աստիճան, քամու ուժգնությունը կլինի 17 մետր/վայրկյան: 40 աստիճան շոգի և ուժեղ քամու պատճառով Հունաստանի մի շարք շրջաններում հայտարարվել է հրդեհի վտանգավորության ամենաբարձր՝ հինգերորդ աստիճանը: Ցածր խոնավության պայմաններում այս ամենը մեծացնում է հրդեհների առաջացման ռիսկը:
Վտանգի հինգերորդ աստիճան է հայտարարվել Ատիկեում, Կենտրոնական Հունաստանում, Պելոպոնեսի մի քանի շրջաններում, արևելյան Լակոնիայում: