ԵՐԵՎԱՆ, ՕԳՈՍՏՈՍ 12, 24News
Այսօր՝ օգոստոսի 12-ին Մեծամորում բացվել է ապրիլյան պատերազմում զոհված Սաշա Գալստյանի և մյուս զինծառայողների հուշարձանը:
Հուշարձանի հեղինակ Արթուր Բաղդասարյանը լրագրողների հետ զրույցում ասաց, որ հուշարձանը նախագծվել է՝ հաշվի առնելով հավիտենության խորհուրդը, հայրենասիրության ու նվիրման գաղափարը:
«Սաշայի ծնողի ու մեր կողմից նախաձեռնվեց ստեղծել մի հուշարձան, որը կմիավորի մեր ժողովրդին ու մեր հերոսներին: Սա միասնականության նպատակ է հետապնդում, որ այս հիշողությունը կենդանի մնա ու երիտասարդների կյանքը հետագա սերունդների համար օրինակ ծառայի»,- ասաց նա:
Միջոցառմանը ներկա են եղել զոհված զինծառայողների հարազատները, պաշտպանության փոխնախարար Դավիթ Բալայանը, վարչապետի տիկին Աննա Հակոբյանը: