ԵՐԵՎԱՆ, ՕԳՈՍՏՈՍ 12, 24News
Մադրիդի «Ռեալի» գլխավոր մարզիչ Զինեդին Զիդանը Հռոմում տեղի ունեցած ընկերական հանդիպումից հետո չի բացառել, որ մինչև տրանսֆերային պատուհանի փակվելն Արքայական ակումբը կարող է նոր ձեռքբերումներ ունենալ:
«Ոչինչ չեմ բացառում: Դեռ 3 շաբաթ ժամանակ կա նոր ֆուտբոլիստների ձեռք բերելու համար: Ամեն ինչ կարող է պատահել: Այնուամենայնիվ, գոհ եմ այն կազմից, որն ունեմ իմ տրամադրության տակ:
Ես վստահում եմ Խամեսին ու Բեյլին: Նրանք «Ռեալի» ֆուտբոլիստներ են, և ես որպես մարզիչ պարտավոր եմ զրուցել նրանց հետ»,- Զիդանի խոսքը մեջբերում է Marca-ն:
Հռոմում տեղի ունեցած ընկերական խաղում «Ռեալը» պարտություն կրեց «Ռոմայից»: Հանդիպման հիմնական ժամանակն ավարտվեց 2:2 հաշվով, սակայն Արքայական ակումբը 4:5 հաշվով պարտվեց 11 մետրանոց հարվածաշարում: