ԵՐԵՎԱՆ, ՕԳՈՍՏՈՍԻ 13, 24News
Հեռուստամեկնաբան Համլետ Ղուշչյանի և ԱԺ նախկին պատգամավոր Սամվել Ալեքսանյանի վերաբերյալ քրգործի վարույթը կասեցվել է։ Այդ մասին ԶԼՄ-ներին հայտնում է Քննչական կոմիտեն։
Վարույթը կասեցվել է Քրեական դատավարության օրենսգրքի 31-րդ հոդվածի 1-ին մասի 1-ին կետի հիմքով, համաձայն որի՝ գործով ներգրավվող մեղադրյալը հայտնի չէ։
Ավելի վաղ գրել էինք, որ Ղուշչյանը լրատվամիջոցներով հայտարարել էր, որ Աժ նախկին պատգամավոր, գործարար Սամվել Ալեքսանյանը առևանգել է իրեն և ատրճանակը պահել ճակատին։
Ղուշչյանի հայտարարության հիման վրա հարուցվել է քրգործ՝ ՀՀ Քրեական օրենսգրքի 131 և 34-131 հոդվածների հիման վրա (առեւանգում եւ առեւանգման փորձ):
Հարուցված քրեական գործի շրջանակում հարցաքննվել էին Համլետ Ղուշչյանը և Սամվել Ալեքսանյանը, սակայն գործով մեղադրյալ չէր ներգրավվել։