ԵՐԵՎԱՆ, ՕԳՈՍՏՈՍԻ 17, 24News
Օգոստոսի 17-ին խոշոր ավտովթար է տեղի ունեցել Արմավիրի մարզում։ Ժամը 14։50-ի սահմանում 26-ամյա Աշոտ Սամսոնյան «КамАЗ 55111» մակնիշի ավտոմեքենայով Էջմիածին-Աշտարակ ավտոճանապարհի 4-րդ կմ հատվածում դեռևս անհայտ պայմաններում դուրս է եկել ճանապարհի երթևեկոլի գոտուց և կողաշրջվել։ Այդ մասին հայտնում է shamshyan.com-ը։
Օպերատիվորեն դեպքի վայր ժամանած Վաղարշապատի բժշկական կենտրոնի բուժանձնակազմը տեղում օգնություն է ցուցեբերել վարորդին և ուղևորին, որոնք հրաժարվել են հիվանդանոց գնալ՝ ասելով, որ լավ են զգում։
Ըստ աղբյուրի՝ դեպքի վայրում վարորդը ճանապարհային ոստիկաններին և հետաքննիչին ասել է, որ կանաչ «Ժիգուլին» վթարային իրավիճակ է ստեղծել «КамАЗ 55111»-ի համար, ինչն էլ դարձել է վթարի պատճառ։
Դեպքի փաստով նյութեր են նախապատրաստվում։