ԵՐԵՎԱՆ, ՕԳՈՍՏՈՍ 19, 24News
Շախմատի Հայաստանի հավաքականի առաջատար Լևոն Արոնյանը ԱՄՆ-ի Սենթ Լուիս քաղաքում անցկացվող Sinquefield Cup սուպերմրցաշարի երկրորդ տուրում մրցեց հոլանդացի Անիշ Գիրիի հետ։
Արոնյանը սևերով ոչ-ոքի խաղաց։ Պարտիան ավարտվեց 53-րդ քայլում։ Առաջին տուրում Լևոնը նույնպես խաղաղ ելքով էր ավարտել պարտիան՝ միավորը կիսելով ֆրանսիացի Մաքսիմ Վաշիե-Լագրավի հետ։
Երկրորդ տուրում կայացել են հետևյալ խաղերը․
Վիշվանաթան Անանդ - Մագնուս Կառլսեն՝ ոչ-ոքի
Ֆաբիանո Կարուանա - Յան Նեպոմնեշիյ՝ ոչ-ոքի
Անիշ Գիրի - Լևոն Արոնյան՝ ոչ-ոքի
Սերգեյ Կարյակին - Լիրեն Դինգ՝ ոչ-ոքի
Շախրիյար Մամեդյարով - Հիկարու Նակամուրա՝ ոչ-ոքի
Մաքսիմ Վաշիե-Լագրավ - Սո Ուեսլի՝ ոչ-ոքի
Երրորդ տուրում Լևոն Արոնյանը մրցելու է Հնդկաստանի ներկայացուցիչ Վիշվանաթան Անանդի հետ։ 49-ամյա շախմատիստը ներկա պահին մրցաշարի միանձնյա առաջատարն է։