ԵՐԵՎԱՆ, ՕԳՈՍՏՈՍԻ 24, 24News
«Նվազագույն աշխատավարձերի բարձրացումը քաղաքականության կարևորագույն գործիք է, սակայն դա պետք է անել կարելիության սահմաններում»,- այս մասին 24TV-ի եթերում ասել է ՀՀ կենտրոնական բանկի խորհրդի նախկին անդամ, նախկին փոխվարչապետ Վաչե Գաբրիելյանը։
«Մենք նոր իրողության պայմաններում ունեք ստվերի կրճատում։ Հիմա երբ բոլորը սկսում են ստվերից դուրս գալ և այդ հարկերն էլ տալ, այնպես չէ որ իրենց եկամտաբերության նորման աճում է։ Այսինքն՝ մենք, մի կողմից բոլորին հանելով ստվերից, իրենց ստվերային եկամտաբերությունը կրճատում ենք։ Այդ տեսանկյունից իրենք մեծ տեղ չունեն մեծ ծախսեր վերցնելու իրենց վրա։ Այս առումով եկամտահարկի տոկոսի նվազեցումը և նվազագույն աշխատավարձի բարձրացումն ունեն հակադիր ազդեցություն։ Եվ եթե մենք ենթադրում ենք, որ տնտեսվարողների համար ծախսերը կրճատվում են և ավելի մեծ աշխուժություն կլինի, ապա անմիջապես սրա կիրառումը կարող է դա չբերել»,- ասել է Գաբրիելյանը։
Նրա գնահատականերով՝ դա կբերի մի քանի տասնյակ՝ 10-12 հազար աշխատատեղերի կրճատման։
Շարունակությունը՝ տեսանյութում։