ԵՐԵՎԱՆ, ՕԳՈՍՏՈՍԻ 28, 24News
«Կոմերսանտ»-ին «ԻժԱվիա»-ից հայտնել են, որ ՌԴ օդային տրանսպորտի դաշնային գործակալությունն «ԻժԱվիա»-ին թույլատրել է վերականգնել Պերմից Երևան ուղիղ չվերթները, որոնք պետք է իրականացվեն շաբաթական երկու անգամ: Նմանատիպ որոշում է կայացվել նաև Պերմ-Բաքու չվերթների մասով: Ավիաընկերությունից հավելել են, որ չվերթների մեկնարկի հստակ ժամկետ առայժմ չկա:
Հուլիսին «Ռոսավիացիա»-ն հետ էր կանչել Պերմից Վիլնյուս, Տաշքենդ, Երևան և Նամանգան չվերթների թույլտվությունը, որն իրականացնում էր «ԻժԱվիա»-ն, քանի որ ընկերությունը թռիչքներ չի իրականացրել: