ԵՐԵՎԱՆ, ՕԳՈՍՏՈՍԻ 29, 24News
Երևանի ընդհանուր իրավասության դատարանը մերժել է «օրենքով գող» Արմեն Ղազարյանի («Պզո») մտերիմ Նվեր Մուրադյանին կալանավորելու վերաբերյալ քննիչի ներկայացրած միջնորդությունը։ 24News-ն այս մասին տեղեկացավ Քննչական կոմիտեից։
Նշենք, որ համացանցում տեսանյութ էր տարածվել, որտեղ Նվեր Մուրադյանը ոստիկանության բաժանմունքում վիրավորում և հայհոյում էր ոստիկաններին:
Նշենք նաև, որ դեպքի առիթով հարուցվել է քրեական գործ․ Նվեր Մուրադյանին մեղադրանք է առաջադրվել 258-րդ հոդվածի 3-րդ մասի 1-ին կետով՝ խուլիգանություն։
Նվեր Մուրադյանը ՀՀԿ–ական նախկին պատգամավոր Մուրադ Մուրադյանի որդին է։