ԵՐԵՎԱՆ, ՕԳՈՍՏՈՍԻ 30, 24News
Ֆուտբոլի Եվրոպայի առաջնության ընտրական մրցաշարի Հայաստան - Իտալիա հանդիպման տոմսերը մոտ են սպառման։ Արդեն վաճառվել է 11 հազար տոմս, մնացել է 3,5 հազար տոմս, հայտնում է ՀՖՖ-ի մամուլի ծառայությունը։
Տոմսերը կարելի է ձեռք բերել «Հանրապետական» ստադիոնի տոմսարկղներից (Սիմոն Վրացյան և Եղիշե Չարենց փողոցներ)12։00-ից 20։00-ը։ 5 տոմսից ավելի ձեռք բերելու դեպքում ինքնությունը հաստատող փատաթղթի առկայությունը պարտադիր է։ Կուտակումներից խուսափելու համար ՀՖՖ-ն հորդորում է խաղի օրը ստադիոն գալ մեկնարկից 2 ժամ առաջ։
Հայաստան - Իտալիա
Արևմտյան տրիբունայի կենտրոնական հատված՝12000 դրամ
Արևմտյան տրիբունայի կողային հատվածներ՝ 10000 դրամ
Արևելյան տրիբունայի կենտրոնական հատված՝ 6000 դրամ
Արևելյան տրիբունայի կողային հատվածներ՝ 3000 դրամ
Հյուսիսային և հարավային տրիբունաներ՝ 1000 դրամ
Հայաստան - Իտալիա հանդիպումը նախատեսված է սեպտեմբերի 5-ին, ժամը 20։00-ին։