ԵՐԵՎԱՆ, ՍԵՊՏԵՄԲԵՐԻ 2, 24News
Արցախի Ազգային ժողովի նախագահ Աշոտ Ղուլյանը շնորհավորական ուղերձ է հղել անկախության օրվա առթիվ.
«Անկախության իմաստը յուրաքանչյուր սերնդի համար կարևորվում է յուրովի. եթե ավագ սերնդի համար այն առաջին հերթին Արցախի հողում հայ մնալու և անվտանգ գոյության երաշխիք էր, ապա նոր սերունդների համար անկախ հայրենիք ունենալն արդեն սեփական ինքնության անբաժանելի մաս է:
Անկախ երկրի քաղաքացի լինելը, թեկուզև չճանաչված երկրի, բազմապատկում է մեր անհատական ինքնավստահությունն ու ինքնագնահատականը:
Փա՜ռք բոլոր նրանց, ում շնորհիվ Արցախի անկախությունը իրողություն է դարձել, և կեցցե՛ն ազատ Արցախի բոլոր սերունդները, որ հիմնադրել ու զարգացնում են մեր երազած պետականությունը»: