Գողություն՝ ուսումնական կենտրոնից․ 3 անձ բերման է ենթարկվել

ԵՐԵՎԱՆՍԵՊՏԵՄԲԵՐԻ 4, 24News

 

Սեպտեմբերի 1-ին՝ ժամը 17-ի սահմանում, ոստիկանության Մաշտոցի բաժին էր ահազանգել մայրաքաղաքի ուսումնական կենտրոններից մեկի անվտանգության աշխատակիցը և հայտնել, որ կենտրոնի տարածքում գողություն է կատարվել։

Մեկնած օպերատիվ խմբի ծառայողները հանցագործության վերաբերյալ հաղորդում ընդունեցին։ Ուսումնասիրեցին նաև տարածքը տեսահսկող սարքերի տեսագրությունները։

Արարքը կատարած անձանց ինքնությունը պարզելու և նրանց հայտնաբերելու ուղղությամբ ձեռնարկված միջոցառումնրի շնորհիվ դեպքի հաջորդ օրը Մաշտոցի քրեական հետախույզներն ու հետաքննության բաժանմունքի ծառայողները օպերատիվ տեղեկություններ ստացան։ Դրանց հիման վրա ձեռնարկված միջոցառմամբ, գողությունը կատարելու կասկածանքով, ոստիկանության Մաշտոցի բաժին բերման ենթարկվեցին 31, 30 և 27-ամյա երեք տղամարդ, որոնք խոստովանական բացատրություններ տվեցին։

Ձեռնարկվում են միջոցառումներ գողոնը հայտնաբերելու ուղղությամբ։

Քննությունը շարունակվում է։

Տեսանյութեր

Live

Լրահոս

Related news