ԵՐԵՎԱՆ, ՍԵՊՏԵՄԲԵՐ 10, 24News
ՌԴ նախագահ Վլադիմիր Պուտինի հրամանագրի համաձայն` «Հայրենիքին մատուցած ծառայությունների համար» II աստիճանի շքանշան է շնորհվել հայազգի բևեռախույզ, գիտնական, ՌԴ պետդումայի պատգամավոր Արթուր Չիլինգարովին, հայտնում է «ՌԻԱ Նովոստի» գործակալությունը։
«Պարգևատրել Արթուր Նիկոլայի Չիլինգարովին ռուսական պետականության ամրապնդման գործում ունեցած մեծ ավանդի, պառլամենտարիզմի զարգացման և երկար տարիների բարեխիղճ աշխատանքի համար»,- ասվում է նախագահի հրամանագրում։
Համապատասխան փաստաթուղթը հրապարակվել է իրավական տեղեկատվության պաշտոնական ինտերնետ-պորտալում։