ԵՐԵՎԱՆ, ՍԵՊՏԵՄԲԵՐԻ 10, 24News
Ռուսաստանում հետազոտություն է անցկացվել, և պարզվել է, թե տեխնոլոգիաների զարգացման արդյունքում քանի մարդ կդառնա գործազուրկ: 2030-ին Ռուսաստանում աշխատողների 45,5%-ն այլևս պահանջված չի լինի, գրում է Известия-ն։
Փորձագետները կարծում են, որ ռոբոտներին հնարավոր կլինի վստահել հյուրանոցներում և ռեստորաններում աշխատանքի զգալի մասը: Վտանգված են նաև մշակող արդյունաբերության, գյուղատնտեսության, առևտրի ոլորտներում աշխատող մարդիկ:
Նշվում է, որ այդ աշխատողները կա´մ ստիպված կլինեն դուրս գալ աշխատաշուկայից, կա´մ նոր մասնագիտացում ստանալ: Ըստ մասնագետների՝ «ատոմատացման և թվայնացման ռիսկին» կենթարկվի 20,1 միլիոն մարդ: