ԵՐԵՎԱՆ, ՍԵՊՏԵՄԲԵՐԻ 19, 24News
«Ի՞նչ ասեմ։ Հաստատեց, որ, փաստորեն, իրեն օգնել են։ Ես հարց եմ բարձրացրել, ինքն էլ հաստատել է, որ իրեն օգնել են։ Նա հաջորդ օրը տվեց պարզաբանումներ»,- լրագրողների խնդրանքով, անդրադառնալով ԱԱԾ արդեն նախկին պետ Արթուր Վանեցյանի հայտարարության տեքստի վերաբերյալ ավելի վաղ հնչեցրած այն ասածին, թե պետք է ստուգել՝ ով է գրել այն, այսպես արձագանքեց ՀՀ վարչապետի խոսնակ Վլադիմիր Կարապետյանը:
«Վարչապետը, շատ խնայողաբար բառերին մոտենալով, խոսում էր այն իրավիճակի մասին, որ ստեղծվել է իր և իր ենթակայի միջև և ակնարկում էր, որ կա փոխադարձ համաձայնություն։ Եվ դրանից հետո առերեսվել նման հայտարարությանը, որ արեց Վանեցյանը, կարծում եմ՝ մի քիչ անսպասելի էր։ Դրա համար էլ առաջացան նման հարցադրումներ», - նկատեց Կարապետյանը։