ԵՐԵՎԱՆ, ՍԵՊՏԵՄԲԵՐԻ 26, 24News
«Ազգային համաձայնություն» կուսակցության նախագահ Արամ Հարությունյանի մասնակցությամբ դատարանի մոտ տեղի ունեցած միջադեպի առթիվ քրեական գործի հարուցումը մերժվել է։ Այս մասին հայտնել են ՀՀ ոստիկանության լրատվության վարչությունից։
Քրեական գործի հարուցումը մերժվել է սեպտեմբերի 20-ին՝ ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետի՝ արարքի մեջ հանցակազմի բացակայության հիմքով։
Հիշեցնենք, որ Երևան քաղաքի ընդհանուր իրավասության դատարանում Ռոբերտ Քոչարյանի եւ մյուս պաշտոնյաների վերաբերյալ սեպտեմբերի 12-ին տեղի ունեցած դատական նիստից հետո՝ դատարանի մոտից, բերման էր ենթարկվել «Ազգային համաձայնություն» կուսակցության նախագահ Արամ Հարությունյանը՝ մի կնոջ հարվածելու համար։