ԵՐԵՎԱՆ, ՍԵՊՏԵՄԲԵՐԻ 26, 24News
Ինդոնեզիայում սեպտեմբերի 26-ին 6.5 մագնիտուդ ուժգնությամբ երկրաշարժ է տեղի ունեցել, առնվազն 20 մարդ մահացել է:
ԱՄՆ Երկրաբանական ծառայության գնահատումներով՝ երկրաշարժը տեղի է ունեցել Մալուկու նահանգի Ամբոն քաղաքից 37 կմ դեպի հյուսիս-արևելք: Երկրաշարժի օջախը գտնվել է 29 կմ խորությամբ:
Երկրաշարժից հետո առնվազն երկու տասնյակ հետցնցումներ են գրանցվել, որոնցից մեկը՝ 5.6 մագնիտուդ հզորությամբ:
Տարերային աղետի հետևանքով տներ և հասարակական կառույցներ են ավերվել, այդ թվում՝ կառավարական և համալսարանական շենքեր:
Հաղորդվում է, որ ավելի քան 2000 մարդ առանց տուն է մնացել: Մի քանի շրջանում հոսանքազրկումներ են տեղի ունեցել: Այս մասին հաղորդում է Reuters գործակալությունը։