ԵՐԵՎԱՆ, ՍԵՊՏԵՄԲԵՐԻ 30, 24News
Հայաստանի հավաքականի և իտալական «Ռոմայի» կիսապաշտպան Հենրիխ Մխիթարյանը երեկ Ա սերիայի շրջանակում կայացած «Լեչչեի» դեմ խաղում վնասվածք էր ստացել և փոխարինվել հանդիպման 87-րդ րոպեին։
Ինչպես փոխանցում է Il Tempo պարբերականը, հայազգի ֆուտբոլիստի վնասվածքը լուրջ չէ, և կիսապաշտպանը կկարողանա մասնակցել Եվրոպա լիգայի շրջանակում կայանալիք «Ռոմայի» առաջիկա խաղին: Մխիթարյանի թիմը հոկտեմբերի երեքին մրցելու է «Վոլֆսբերգերի» հետ։
Հիշեցնենք, որ երեկվա խաղում «Ռոման» հյուրընկալվելիս կարողացավ 0-1 հաշվով հաղթանակ կորզել։ Խաղի 56-րդ րոպեին Մխիթարյանի փոխանցվումից հետո հանդիպման միակ գնդակը խփել էր Էդին Ջեկոն։