Տիգրան Մանսուրյան, Քիմ Քաշքաշյան, Ռոբին Շուլկովսկի․ երեք մեծություն՝ մեկ բեմում

ԵՐԵՎԱՆ, ՍԵՊՏԵՄԲԵՐԻ 30, 24News

1

«Երևանյան հեռանկարներ» 20-րդ միջազգային երաժշտական փառատոնի բացառիկ համերգը, որը կներկայացնի Կոմիտասի և Տիգրան Մանսուրյանի ստեղծագործությունները` ալտի, հարվածային գործիքների և դաշնամուրի համար, տեղի կունենա հոկտեմբերի 1-ին` Արամ Խաչատրյան համերգասրահում: Երեք մեծություն մեկ բեմում` Գրեմմի մրցանակի արժանացած աշխարհահռչակ ալտահար Քիմ Քաշքաշյանը, հարվածային գործիքների հռչակավոր կատարող Ռոբին Շուլկովսկին և սիրված կոմպոզիտոր Տիգրան Մանսուրյանն` իբրև դաշնակահար:

Առջևում հոբելյանական համերգներին են` հոկտեմբերի 7-ին, 8-ին, 9-ին:

Աշնանային համերգաշարին փառատոնի ներկայացրած ցնցող համերգների շարքում էին դաշնակահարներ Նոբույուկի Ցուջիի, Սըր Անդրաշ Շիֆի մենահամերգները և թավջութակահար Գոտիե Կապյուսոնի ելույթը` Հայաստանի ազգային ֆիլհարոմոնիկ նվագախմբի հետ:

Փառատոնն այս տարի սկիզբ առավ ապրիլի 29-ին` բրիտանական The Swingles վոկալ խմբի հիշարժան համերգով: Իվո Պոգորելիչի իրադարձային մենահամերգին հաջորդեցին Գրեմմի մրցանակի արժանացած ամերիկյան Պարկեր քառյակի (Parker Quartet) և Ամադինդա հարվածայինների համույթի ելույթները:

 

Տեսանյութեր

Live

Լրահոս

Related news