Ողբերգական վրաերթ՝ Գեղարքունիքի մարզում․ տուժածը հիվանդանոցի ճանապարհին մահացել է

ԵՐԵՎԱՆ, ՀՈԿՏԵՄԲԵՐԻ 4, 24News

.

Այսօր՝ հոկտեմբերի 4-ին, մահվան ելքով վրաերթ է տեղի ունեցել Գեղարքունիքի մարզում, հայտնում է Shamshyan.com-ը:

Ժամը 19:30-ի սահմաններում Երևանի բնակիչ 39-ամյա Աշոտ Մ.-ն Վարդենիս-Արցախ միջպետական ճանապարհի Սոթք գյուղի վարչական տարածքում Ford Transit մակնիշի 91 OD 900 համարանիշի ավտոմեքենայով վրաերթի է ենթարկել Սոթք գյուղի բնակիչ, 48-ամյա Գառնիկ Հ.-ին:

Վարորդը փախուստի չի դիմել, փորձել է օգնություն ցուցաբերել տուժածին։ Գառնիկ Հ․-ն Վարդենիսի հիվանդանոց տեղափոխելու ճանապարհին մահացել է:

ՀՀ քր օր-ի 242 հոդվածի 2-րդ մասի հատկանիշներով հարուցվել է քրեական գործ: