ԵՐԵՎԱՆ, ՀՈԿՏԵՄԲԵՐԻ 7, 24News
ՌԴ նախագահ Վլադիմիր Պուտինը ծննդյան օրը կանցկացնի հարազատների և մտերիմների հետ։ Այդ մասին հայտնել է ՌԴ նախագահի մամուլի քարտուղար Դմիտրի Պեսկովը:
Նշենք, որ հոկտեմբերի 7-ին Պուտինը դառնում է 67 տարեկան: Մի քանի օր առաջ նախագահը եղել է սիբիրյան տայգայում, որտեղ, ինչպես Պեսկովն է հայտարարել, «վայելել է աշնանային բնությունը»:
Որպես կանոն՝ պետության ղեկավարը տարեդարձը նշում է արտասահմանցի գործընկերների հետ: Օրինակ, ծննդյան օրերից մեկը Պուտինը նշել է Չինաստանի առաջնորդ Սի Ցզինպինի ընկերակցությամբ:
«Չեմ թաքցնի, մի-մի բաժակ օղի խմեցինք, ուղղակի ինչ-որ երշիկ կտրեցինք»,- պատմել է Պուտինը:
Ծննդյան օրերից մեկն էլ Պուտինը նշել է Բալի կղզում ընթացող ԱԽՏՀ գագաթնաժողովին: Ինդոնեզիայի այդ ժամանակվա նախագահ Սուսիլո Բամբանգը ՌԴ առաջնորդի համար երգել է Happy Birthday to You երգը: