ԵՐԵՎԱՆ, ՀՈԿՏԵՄԲԵՐԻ 7, 24News
Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ:
Վարչապետը շնորհավորել է ՌԴ նախագահին ծննդյան օրվա կապակցությամբ և մաղթել քաջառողջություն:
Զրուցակիցներն անդրադարձել են նաև օրերս Երևանում՝ Եվրասիական բարձրագույն խորհրդի նիստից հետո կայացած հանդիպման ժամանակ ձեռքբերված պայմանավորվածությունների կատարման ընթացքին:
Ավելի վաղ Նիկոլ Փաշինյանը նաև շնորհավորական ուղերձ էր հղել Վլադիմիր Պուտինին՝ մաղթելով հաջողություններ պետության ղեկավարի առաքելության իրականացման և ծրագրերի ու գաղափարների կյանքի կոչման գործում: