ԵՐԵՎԱՆ, ՀՈԿՏԵՄԲԵՐԻ 8, 24News
Երևանի ընդհանուր իրավասության դատարանը՝ Մնացական Մարտիրոսյանի նախագահությամբ, մերժեց ԵԿՄ նախկին նախագահ Մանվել Գրիգորյանի պաշտպանների միջնորդությունը ամբաստանյալի խափանման միջոց կալանքը հինգ միլիոն դրամ գրավով փոխարինելու մասին անհիմն լինելու պատճառաբանությամբ:
Ավելի վաղ պաշտպանական կողմը դիմել էր դատարան՝ գրավի դիմաց Մանվել Գրկգորյանին ազատ արձակելու միջնորդությամբ։ Որպես պատճառաբանություն՝ պաշտպանը նշել էր ամբաստանյալի առողջական վիճակը, որն օրեցօր վատթարանում է։
Մանվել Գրիգորյանն այս պահին բուժում է ստանում «Նաիրի» ԲԿ-ում: Ըստ պաշտպանների՝ նա շուրջօրյա բժշկական հսկողության տակ է: