ԵՐԵՎԱՆ, ՀՈԿՏԵՄԲԵՐԻ 18, 24News
Երևանում հանցագործություն կատարելու համար կասկածյալներին հետապնդելու ժամանակ մարմնական վնասվածք ստացած ոստիկանի վիճակը լավ է, հավանաբար այսօր կամ վաղը դուրս կգրվի հիվանադանոցից: Այս մասին 24News-ի հետ զրույցում ասաց «Գրիգոր Լուսավորիչ» բժշկական կենտրոնի մամուլի խոսնակ Ծովինար Խաչատրյանը:
«Ոստիկանը հիվանդանոց տեղափոխվելու առաջին օրվանից արդեն քայլում էր, բժիշկների ուղեկցությամբ նաև մասնակցել է զոհված գործընկերոջ հոգեհանգստի արարողությանը», - հավելեց մամուլի խոսնակը։
Հիշեցնենք, որ հոկտեմբերի 16-ին՝ ծառայողական պարտականությունները կատարելիս ստացած հրազենային վնասվածքի հետևանքով՝ Արաբկիրի պահպանության բաժնի ոստիկան, 38-ամյա Տիգրան Առաքելյանը մահացել էր, իսկ նրա ծառայակիցը` Ա. Հակոբյանը, «գանգի գագաթային շրջանի պատռվածք վերք ախտորոշմամբ» տեղափոխվել էր «Սուրբ Գրիգոր Լուսավորիչ» բժշկական կենտրոն: