ԵՐԵՎԱՆ, ՀՈԿՏԵՄԲԵՐԻ 21, 24News
«ՎԵՏՕ» հասարակական-քաղաքական շարժման հիմնադիր Նարեկ Մալյանի նկատմամբ ստեղծված նյութերով քրեական գործի հարուցումը հոկտեմբերի 18-ին մերժվել է՝ արարքում հանցակազմի բացակայության հիմքով: Այս մասին հայտնել է ՀՀ ոստիկանության ԶԼՄ-ների հետ կապի լրատվության և վերլուծության բաժնի պետ Զարզանդ Գաբրիելյանը։
Նարեկ Մալյանն իր հերթին ֆեյսբուքյան իր էջում գրել է․ «Երկու լուր.
1. Ոստիկանությունը մերժեց վանդալիզմով քրեական գործ հարուցել իմ դեմ Սորոսի գրասենյակի հերթական բողոքով: Ես այլևս վանդալ չեմ:
2. Տրանսվեստիտ մարմնավաճառները իմ դեմ բողոքով դիմել են ոստիկանություն: Շնորհավոր քրեական օրենսգրքի նոր հոդվածս...»։
Հիշեցնենք, որ «ՎԵՏՕ» շարժման դեմ բողոք էր ներկայացրել «Բաց հասարակության հիմնադրամներ – Հայաստան»-ի գրասենյակը՝ Նարեկ Մալյանին և «ՎԵՏՕ»-ին մեղադրելով վանդալիզմի մեջ: