Տղամարդն անզգուշությամբ թունաքիմիկատ է խմել․ հիվանդանոցի ճանապարհին մահացել է

ԵՐԵՎԱՆ, ՀՈԿՏԵՄԲԵՐ 21, 24News 

հիվանդանոց

Հոկտեմբերի 19-ին, ժամը 19.40-ին, «Վեդի» բժշկական կենտրոնից հաղորդում է ստացվել, որ շտապօգնության մեքենան կանչով մեկնել է Ոսկետափ գյուղ՝ 62-ամյա մի տղամարդու բուժօգնություն ցույց տալու, սակայն հիվանդանոցի ճանապարհին նա հանկարծամահ է եղել:

Ոստիկանության Արտաշատի բաժնից մեկնած օպերատիվ խումբը պարզել է, որ նույն օրը, ժամը 18.30-ի սահմաններում, տղամարդը տանը անզգուշությամբ խմել է թունաքիմիկատ:

Հանգամանքները պարզվում են, նախապատրաստվում են նյութեր: