ԵՐԵՎԱՆ, ՀՈԿՏԵՄԲԵՐԻ 29, 24News
«Հայաթ Փլեյս Երևան» հյուրանոցի շենքում պայթուցիկ սարքի մասին ահազանգը կեղծ էր, լրագրողների հետ զրույցում ասաց արտակարգ իրավիճակների արձագանքման խմբի պետ Տիգրան Կոստանյանը։
«Տարածքում իրականացվել է հետախուզում, շենքից բոլոը տարհանվել են», - ասաց նա՝ նշելով, որ ոչ մի բան չի հայտնաբերվել։
«Կարևորը, որ կեղծ ահազանգ էր», - ասաց նա՝ հավելելով,որ չի տիրապեում է ահազանգողի մասին տվյալների:
Հիշեցնենք, որ այսօր 11:20-ին «911» ծառայություն ահազանգ էր ստացվել, որ Երևանի Վազգեն Սարգսյան 26/1 հասցեում գտնվող «Հայաթ Փլեյս Երևան» հյուրանոցի շենքում պայթուցիկ սարք է տեղադրված:
Դեպքի վայր էին մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, ճգնաժամային կառավարման ազգային կենտրոնի արտակարգ իրավիճակների արձագանքման խումբը, աղետների բժշկության կենտրոնի հերթապահ բժիշկը, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական խումբը և քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական ջոկատը: