ԵՐԵՎԱՆ, ՆՈՅԵՄԲԵՐԻ 15, 24News
24News-ը զրուցել է Եղեգնաձորի ԲՀԿ-ական քաղաքապետ Դավիթ Հարությունյանի հետ՝ պարզելու համար, թե քաղաքում ինչո՞ւ են ոչ պատշաճ կատարվել ասֆալտապատման աշխատանքները-Պարոն Հարությունյան, ինչո՞ւ էին ասֆալտապատման աշխատանքները թերի կատարված:
-Մենք հենց հիմա ստուգողների հետ չափագրումներ ենք անում:
-Փողոցների՞ հետ կապված:
-Լուսավորության հետ կապված:
-Այսինքն, այդ աշխատանքնե՞րն եք հիմա կատարելու:
-Կատարված է արդեն:
-Իսկ փողոցների ասֆալտին առնչվող աշխատանքն ինչո՞ւ պատշաճ չէր կատարվել: Վարչապետն այցի ժամանակ ասաց, որ աշխատանքը գլխառադ է արված:
-Վարչապետը որ ասել է, ուրեմն մի բան կա: Հիմա շտկում ենք:
-Բայց ինչո՞ւ էր աշխատանքն այդ որակի:
-Հիմա շտկում ենք արդեն, ես ժամանակ չունեմ:
Հիշեցնենք, որ նոյեմբերի 10-ին վարչապետ Նիկոլ Փաշինյանը նախապես չհրապարակված այցով Եղեգնաձոր քաղաքում էր: Քաղաքապետ Դավիթ Հարությունյանը մոտ 25 րոպե վարչապետի հետ շրջելով՝ չկարողացավ ցույց տալ, թե սուբվենցիոն ծրագրի շրջանակում ինչ աշխատանք է կատարվել:
«Տպավորություն է, թե ասֆալտ է դուրս գրված, ոչ թե ասֆալտապատում է իրականացվել։ Գլխառադ է արված` հին, բարի ժամանակների նման»,-ասել էր վարչապետը՝ դժգոհություն հայտնելով ասֆալտապատման աշխատանքներից:
Հարցազրույցը՝ Մերի Մարտիրոսյանի