Հայաստանը ՄԱԿ-ում դեմ է քվեարկել Ղրիմի վերաբերյալ բանաձևի թարմացված տարբերակին

ԵՐԵՎԱՆ, ՆՈՅԵՄԲԵՐԻ 15, 24News

ՄԱԿ

ՄԱԿ Գերագույն վեհաժողովի պրոֆիլային կոմիտեի նիստում Ղրիմում և Սևաստոպոլում մարդու իրավունքների պաշտպանության վերաբերյալ բանաձևի թարմացված նախագծին Ռուսաստանի հետ միասին դեմ են քվեարկել Բելառուսը, Ղազախստանը, Չինաստանը, Սերբիան և էլի 18 երկիր։

Բանաձևի թարմացված նախագծին դեմ է քվեարկել 23 երկիր՝ Հայաստանը, Բելառուսը, Բուրունդին, Կամբոջան, Չինաստանը, Կոտ դ՛Իվուարը, Կուբան, Հյուսիսային Կորեան, Էրիթրեան, Հնդկաստանը, Իրանը, Ղազախստանը, Ղրղզստանը, Մյանման, Նիկարագուան, Ֆիլիպինները, Ռուսաստանը, Սերբիան, Սուդանը, Սիրիան, Ուգանդան, Վենեսուելան  Զիմբաբվեն։

Բանաձևի նախագիծը վերջնական կդիտարկվի ՄԱԿ ԳՎ կոմիտեի նիստում այս տարվա դեկտեմբերին։