ԵՐԵՎԱՆ, ՆՈՅԵՄԲԵՐԻ 16, 24News
Մոսկվայում օրեր առաջ սպանված թայբոքսինգի հայազգի մարզիկ Աշոտ Բոլյանը որևէ կարգավիճակ չի ունեցել «Մասիվցի Անդիկ» մականունով հայտնի Անդրանիկ Հարությունյանի սպանության քրեական գործով: 24News-ն այս մասին տեղեկացավ ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանից։ Վերջինս ընդգծեց, որ նշված անուն-ազգանունով անձ գործում ներգրավված չէ։
«Քննչական կոմիտեն արունակում է ձեռնարկել անհրաժեշտ քննչական գործողություններ՝ պարզելու Անդրանիկ Հարությունյանի մահվան հանգամանքները»,-ասաց նա։
Հիշեցնենք, որ Աշոտ Բոլյանի սպանությունից հետո մամուլում լուրեր տարածվեցին, թե հենց նա էր կազմակերպել Անդրանիկ Հարությունյանի սպանությունը։