ԵՐԵՎԱՆ, ՆՈՅԵՄԲԵՐԻ 19, 24News
«Մանկական Եվրատեսիլ 2019» երգի մրցույթում Հայաստանի պատվիրակ Կարինա Իգնատյանը ելույթ կունենա 15-րդ համարի ներքո։ Այդ մասին տեղեկանում ենք «Armenia in Eurovision» ֆեյսբուքյան պաշտոնական էջից:
«Մանկական Եվրատեսիլ» միջազգային երգի մրցույթն այս տարի տեղի կունենա նոյեմբերի 24-ին Լեհաստանի Գլիվիցե քաղաքում: Կարինան կներկայացնի Հայաստանը «Colours Of Your Dream» երգով:
Տեսահոլովակի ռեժիսորն է Անգելինա Միռոշնիչենկոն, օպերատոր՝ Սերգեյ Դիշյուկ։
«Կարինան անկասկած մրցույթի այս տարվա ֆավորիտներից է։ Եվրատեսիլյան երկրպագուներն անհամբեր սպասում էին նրա տեսահոլովակին, որն, ի դեպ, արդեն հասանելի է Եվրատեսիլի յութուբյան էջում» - ասել է Դավիթ Ծերունյանը։