ԵՐԵՎԱՆ, ՆՈՅԵՄԲԵՐԻ 20, 24News
Թուրքիան Ռուսաստանին վստահեցրել է, որ կասկածի տակ չի դնի Սիրիայում Ռուսաստանի աշխատանքն ու Սիրիայի հյուսիսում «Խաղաղության ակունք» ռազմական գործողությունը վերսկսելու մտադրություն չունի:
Հայտարարել է ՌԴ ԱԳՆ նախարար Սերգեյ Լավրովը՝ անդրադառնալով Թուրքիայի արտաքին գործերի նախարար Մեվլութ Չավուշօղլուի այն հայտարարությունը, որ ԱՄՆ և Ռուսաստանը ոչինչ չեն արել թուրք-սիրիական սահմանից քրդականխմբավորումների դուրսբերման համար։
«Թուրքիայի կառավարության ներկայացուցիչների և մեր դեսպանի հանդիպումներին դեսպանին վստահեցրել են, որ Անկարան կասկածի տակ չի դնում Ռուսաստանի աշխատանքը: «Խաղաղության ակունք» գործողության վերսկսման մասին պարոն Չավուշօղլուն, իմ գործընկերն ու ընկերը, ինչպես նաև Թուրքիայի նախագահի պաշտոնական ներկայացուցիչ Իբրահիմ Քալընը չեն խոսել»,- ասել է նա: