ԵՐԵՎԱՆ, ՆՈՅԵՄԲԵՐԻ 21, 24News
Դերասան Արտյոմ Կարապետյանը ֆեյսբուքյան ուղիղ եթերով կրկին անդրադարձել է իր հետ տեղի ունեցած միջադեպին, դրա վերաբերյալ համացանցում բարձրացած աղմուկին և ոստիկանության արձագանքին:
«Համոզվեցի, որ իմ երկրում ես մենակ չեմ: Երեկվա ուղիղ եթերից, ընդամենը, ժամեր անց ես հեռախոսազանգ ստացա ոստիկանությունից, շնորհակալ եմ արագ արձագանքի համար:
Փաստորեն, այդ գործն ընթացքի մեջ է: Այս հարցն իսկականից գլոբալ հարց է, քանի որ վերջացել է վիկինգների դարաշրջանը, քանի որ մենք մարդիկ ենք, որոնք կարան իրար սիրեն, հարգեն, իրար զիջեն»,-ասել է Արտյոմ Կարապետյանը:
Ավելի վաղ ԱԺ «Իմ քայլը» խմբակցության պատգամավոր Հրաչյա Հակոբյանը ֆեյսբուքյան էջում գրառում էր արել՝ տեղեկացնելով, որ հանդիպել է ՀՀ ոստիկանության պետի ժամանակավոր պաշտոնակատար Արման Սարգսյանի և Երևանի քաղաքապետարանի տրանսպորտի վարչության պետի ժամանակավոր պաշտոնակատար Էդգար Գալստյանի հետ:
«Խնդիրը, որի մասին բարձրաձայնում է Արտյոմ Կարապետյանը, իրականում շատ մտահոգիչ է: Ոստիկանապետի ժ/պ-ի հետ երկար քննարկում ունեցանք այս հարցի և առհասարակ Հայաստանի Հանրապետության քաղաքացիների պաշտպանվածության և ոստիկանությունում տարվող աշխատանքների մասին»,-գրել էր պատգամավորը:
Տեսանյութը՝ ստորև: