ԵՐԵՎԱՆ, ԴԵԿՏԵՄԲԵՐԻ 6, 24News
Երևանի ավագանու արտահերթ նիստին՝է Ամանորի միջոցառումների ծախսերի բյուջեն ավելացնելու հարցը քննարկելու ընթացքում Երևանի ավագանու «Բարգավաճ Հայաստան» խմբակցության անդամ Արմեն Ներսիսյանը մինչ ելույթը Երևանի քաղաքապետ Հայկ Մարությանին փողկապ է նվիրել:
Հայկ Մարությանը հարցրել է, թե ինչու է նվիրում, ինչին Ներսիսյանը պատասխանել է․
«Որպեսզի Դուք էլ փողկապ կապեք մեր նման»։
Մարությանը հակադարձել է՝ ասելով․
«Եթե թույլ կտաք, ապա այն կվերանվիրեի շեյխերին ու շեյխուհիներին»:
«Ես Ձեզ եմ նվիրել, սրտանց, իսկ նվերը չի կարելի վերանվիրել: Ես իրականում Ձեզ եմ նվիրել,
իսկ Դուք հարցը կրկին տարաք ուրիշ տեղ: Չեմ հասկանում, թե Դուք ինչ եք անում և չգիտեմ, թե սրացումներն ինչու համար են»,- ասել է խմբակցությանն անդամն ու ելույթը սկսել։