ԵՐԵՎԱՆ, ԴԵԿՏԵՄԲԵՐԻ 7, 24News
Վարձատրության համակարգը պետք է կարևորել, որովհետև մենք այս ժամանակահատվածին վերաբերվում ենք որպես միջանկյալ, քանի դեռ չկա վարձատրության համակարգը կանոնակարգող լուծման լավագույն տարբերակ։ Այս մասին լրագրողների հետ հարցուպատասխանի ընթացքում ասել է ՀՀ ֆինանսների նախարար Ատոմ Ջանջուղազյանը՝ անդրադառնալով պարգևավճարներին։
«Պարգևավճարներ շարունակելու ենք տալ, որովհետև դա նախատեսված է: Ավելին՝ ֆինանսների նախարարությունում աշխատակազմի թվաքանակի փոփոխության արդյունքում ունենք կոնկրետ տնտեսումներ, պարգևավճարներ տալու պոտենցիալ հնարավորություն»,- ասել է նախարարը՝ նշելով, որ ժամանակը ցույց կտա, թե ինչ արձագանքի կարժանան հարցը։