Բյուրականում տարբեր մեքենաներից գողացել է 6 հատ էլեկտրական մարտկոց. գողն այլ գյուղից է

ԵՐԵՎԱՆ, ԴԵԿՏԵՄԲԵՐԻ 7, 24News

մեքենա

Դեկտեմբերի 4-ին Բյուրականի բնակիչներից մեկը ոստիկանությունում հաղորդում տվեց, որ նախորդ օրը տան մոտ կայանված մեքենայից գողացել էին էլեկտրական մարտկոցը։ Այդ մասին հայտնում է ոստիկանությունը։

Ոստիկանության Աշտարակի բաժնում ստացված օպերատիվ տվյալներն իրացնելիս պարզվել է, որ նշված գողությունը կատարել է Արբատ գյուղի 31-ամյա մի բնակիչ։

Նա տարված բացատրական աշխատանքի արդյունքում դեկտեմբերի 6-ին ներկայացել է ոստիկանություն եւ տվել խոստովանական բացատրություն։ Բացի այդ, պարզվել է նաեւ, որ նա Բյուրական համայնքից, տարբեր մեքենաներից գողացել է ընդհանուր 6 հատ էլեկտրական մարտկոց:

Ձեռնարկվում են միջոցառումներ հանցագործությունից տուժած մյուս անձանց եւ գողոնը հայտնաբերելու ուղղությամբ:

Տեսանյութեր

Live

Լրահոս