ԵՐԵՎԱՆ, ԴԵԿՏԵՄԲԵՐԻ 12, 24News
ՌԴ արտգործնախարարության ներկայացուցիչ Մարիա Զախարովան ճեպազրույցի ընթացքում հայտարարել է, որ, չնայած տարբեր դիրքորոշումներին, Ղարաբաղի հարցում փոխըմբռնման հասնելը հնարավոր է։
«Չէի ասի, որ ինչ-որ կերպ կողմերի միջև երկխոսության տեսլականի անհնարինություն ենք «արձանագրել»։ Ինձ թվում է՝ կողմերն այդ մասին չեն խոսել: Այն, որ դիրքորոշումները տարբեր են, ակնհայտ է, քանի որ հակառակ դեպքում բանակցային գործընթաց չէր լինի»,- ասել է Զախարովան՝ վերահաստատելով, որ Ռուսաստանը, որպես միջնորդ երկիր, կշարունակի նպաստել երկխոսության շարունակմանը՝ հանուն ԼՂ հակամարտության խաղաղ կարգավորման:
Որպես երկխոսության կայացած օրինակներ՝ Զախարովան օրինակ է բերել վերջերս Հայաստանի և Ադրբեջանի միջև տեղի ունեցած լրագրողների փոխայցերը։