ԵՐԵՎԱՆ, ԴԵԿՏԵՄԲԵՐԻ 16, 24News
Նիդերլանդների արտաքին գործերի նախարարության կայքում հրապարակվել է Հայաստանում դեսպանություն բացելու մասին հիմնավորումը:
«2018 թվականի հայտնի իրադարձություններից հետո երկրում կոռուպցիայի դեմ մեծ պայքար է սկսվել: Նիդերլանդները կարող է աջակցել այդ գործընթացներին:
Հայաստանն այս պահին տարածաշրջանում միակ երկիրն է, որտեղ Նիդերլանդները դիվանագիտական ներկայացուցչություն չունի: Նիդերլանդների ներկայացուցիչների պալատը ևս ցանկանում է Երևանում դեսպանություն ունենալ»,- ասված է ԱԳՆ հիմնավորման մեջ։
Դեսպանություն բացելու վերաբերյալ իր ֆեյսբուքյան էջում գրառում է կատարել նաև Նիդերլանդներում ՀՀ դեսպան Տիգրան Բալայանը:
Բալայանը՝ նշել է․
«Նիդերլանդների ԱԳՆ կայքում Երևանում դեսպանություն բացելու վերաբերյալ հիմնավորումը` Հայաստան-ը ռազմավարական նշանակություն ունի»։