ԵՐԵՎԱՆ, ՀՈԿՏԵՄԲԵՐ 19, 24News
Երևանի քաղաքապետարանը հրապարակել է հոկտեմբերի 21-ին մայրաքաղաք Երևանի հիմնադրման 2800-ամյակին նվիրված միջոցառումների ցանկը:
Տոնական օրը Երևան պատմության թանգարանի և Էրեբունի պատմահնագիտական արգելոց-թանգարանի մուտքը կլինի ազատ, վերջիններս կաշխատեն մինչև ժամը 19։00-ը:
Տոնական հանդիսությունները կմեկնարկեն վաղ առավոտյան՝ 08։00-ին, Երևանյան մարաթոնով, որը սկիզբ կառնի Ս. Շահումյանի անվան հրապարակից և կշարունակվի մինչև 14:30-ը:
«Բազմազգ Երևան» խորագրով միջոցառումը կհամախմբի ազգային փոքրամասնությունների կատարողներին, որոնք հանդես կգան համերգով Անգլիական այգում՝ ժամը 12։00-18։00-ը:
«Սիրահարդ եմ երևան» հեծանվավազքը կանցկացվի 12:00-13:00-ին․ այն կմեկնարկի Շահումյանի հրապարակից:
«Արևային Երևան» տոնական մանկական ծրագիրը կներկայացվի 13:00-18:00-ն Կիրովի անվան մանկական զբոսայգում:
«Տոնական Երևան» խորագրով փողային նվագախմբերի շքերթը կանցկացվի 14:00-15:00-ն: Շքերթը կմեկնարկի Ազատության հրապարակից, կանցնի Թումանյան, Մաշտոց, Ամիրյան փողոցներով և կհասնի Հանրապետության հրապարակ:
Դասական երաժշտության հարթակ կգործի Կոնսերվատորիայի շքամուտքի դիմաց 14:00-18:00-ը:
Բենդերին բեմահարթակ կտրամադրվի Հյուսիսային պողոտայում 15:0018:00-ն՝ «Երևանյան էսքիզներ» խորագրով:
Ազգային երգ ու պարը կհնչի Ազատության հրապարակում 16:00-22:00-ն:
Ջազ երաժշտության բեմահարթակը կգործի Կասկադում՝ 16:00-21:00-ն:
«Երևանյան ռոք» խորագրով համերգը տեղի կունենա Ազնավուրի հրապարակում՝ ժամը 17:00-22:00-ը:
Տարազի ցուցադրություն կլինի Հյուսիսային պողոտայում 18:00-19:00-ը՝ «Ուրարտուից մինչև օրս» խորագրով:
Գալա համերգը կլինի Հանրապետության հրապարակում 19:30-21:00-ն:
Հրավառությունը կլուսավորի երկինքը 21:30-ին:
Մայրաքաղաքի կենտրոնական հատվածներից բացի, այդ օրը տոնական հանդիսություններ են նախատեսված նաև վարչական շրջանների կենտրոնական հրապարակներում և այգիներում: