ԵՐԵՎԱՆ, ՀՈԿՏԵՄԲԵՐ 19, 24News
ՀՀ արդարադատության նախարարի ժամանակավոր պաշտոնակատար Արտակ Զեյնալյանը լրագրողների հետ հարցազրույցի ժամանակ, անդրադառնալով համաներման որոշմանը, ասել է, որ ՀՀ-ում քրեակատորաղական հիմնարկների ծանրաբեռնվածության խնդիր չկա․ այն լուծվել է օրինական ճանապարհով:
«Չկա մեկը, որ քնելու տեղ չունի և հերթով են քնում, այսօր քրեակատորաղական հիմնարկներում կալանավորների և դատապարտյալների քանակը հասնում է 2930-2940 -ի, այդպիսի ցուցանիշ չի եղել, նրանց թիվը եղել է 3800 և ավելի», - ասել է նախարարի ժամանակավոր պաշտոնակատարը և հավելել, որ համաներման նպատակը քրեակատարողական հիմնարկների բեռնաթափումը չէ։
«Մենք ավելցուկ չունենք դատապարտյալների կամ կալանավորների, սա համաներում է, սա մարդասիրական ակտ է, ակցիա է, որն իրականացվում է այս իրադարձությունների լույսի ներքո»,-ասել է Արտակ Զեյնալյանը:
Նախարարի պաշտոնակատարը նաև նշել է, որ համաներումը որևէ առնչություն չունի նախընտրական շրջանի հետ։ Նախագիծը պատրաստ է եղել նախարար նշակվելուց տասն օր անց։