ԵՐԵՎԱՆ, ՀՈՒՆՎԱՐԻ 16, 24News
«Սոցիալ-տնտեսական բեկումնային քայլերի բացակայության պարագայում, ՌԴ-ում սահմանադրական բարեփոխումներն արդյունք չեն տա և կարող են հանգեցնել իրավիճակի էլ ավելի սրմանը»։- այս մասին 24TV-ի տաղավարում նշեց քաղաքագետ Գարիկ Քեռյանը։
Բանախոսը ընդգծեց, որ ՌԴ-ում տեղի ունեցող քաղաքական փոփոխությունները ճակատագրական ու բացառիկ չեն, այլ բացառապես արտացոլում են իշխանության քաղաքական տրանսֆորմացիան, որն ուղղված է նաև հասարակության սոցիալ-տնտեսական վիճակի բարելավմանը, աղքատության նվազեցմանը, կոռուպցիայի դեմ պայքարին։
Քաղաքագետը կարծիք հայտնեց, որ ՌԴ-ում մեկնարկած փոփոխությունները քաղաքական բալանսի պահպանման հիմքով գործողությունների սցենար է, որտեղ նորանշանակ վարչապետ Միխաիլ Միշուստինը հավանաբար անցումային ֆիգուր է լինելու։
Քեռյանն իր խոսքում կարևորեց անձերի դերակատարությունը ՌԴ-ի քաղաքականության մեջ, սական նշեց, որ հատկապես հայ-ռուսական հարաբերությունների վրա դա բացասական անդրադարձ չի ունենա։
Մանրամասները՝ տեսանյութում: